Election Commission fact-checks

BJP West Bengal mein kin wajahon se chunav jeeti haari woh bilkul ek separate matter hai. Lekin kya chunav fair tarike se hua? Bilkul nahi hua. Jitne logon ko chunav mein SIR ki zimmedari thi, woh saare to ab mukhya salahkar ban rahe hain mukhyamantri ke. Immediate posting. Matlab sharm bhi nahi hai. Pehle ye hota tha ki bhai koi chori karta tha thoda parda rakhte the. Ab to woh pardadari bhi nahi rahi. Chief Justice ko pad se hatate hi Rajyasabha bhej denge. To sawal nahi uthenge kya? Aur agar hum chunav aayog ke paas ja rahe hain, ek genuine concern leke, Delhi ka to main example de sakta hoon likhit mein diye hain saare. Aur uske bawajood chunav aayog keh de ki haan theek hai baad mein dekhenge. Abhi kuch nahi. Pradhan mantri yahan pe kamal ka phool lagake vote dalne ke baad paidal march karte hue nikal jayein aur chunav aayog usko violation na maane code of conduct ka. To sawal nahi uthenge? Chunav aayog, ED, CBI, har kisi ka chunav mein istemal aaj ke din Bharatiya Janta Party kar rahi hai. Koi chunav voting wale din front page pe saare akhbaron ke BJP ki add hogi. Kya woh code of conduct ka violation nahi hai? Idhar voting ho rahi hogi us phase ki, udhar pradhan mantri us perimeter se bahar dusre phase ki rally jagah pe rally kar rahe honge jo live chal rahi hogi sab channels ke upar. Kya ye code of conduct ka violation nahi hai? Jahan vote padh raha hai wahan dekh nahi rahe log. Agar ye saari cheezein ho rahi hain to sawal to uthenge.