Aam Aadmi Party fact-checks

Punjab mein ballot paper se nagar palika ka chunav hua. 1977 wardon mein chunav hua, kai nagar palika parishadon ka chunav hua aur abhi tak jo parinaam aaye hain, us parinaam ne yeh saabit kiya hai phir se ek baar ki Punjab ki janta ka bharosa Aam Aadmi Party mein hai, Arvind Kejriwal mein hai, Bhagwant Mann ji ki sarkar mein hai aur Punjab ki janta ne khoob jamkar aashirwad Aam Aadmi Party ke paksh mein diya hai. Ballot paper se chunav hua. Ballot paper se chunav na ho, iske liye ED party Supreme Court tak gayi ki saahab ballot paper se chunav nahi hona chahiye. Kya dar tha bhai tumhare mann mein? Kyun Supreme Court tak gaye tum? Filhaal unko kahin se raahat nahi mili aur ballot paper se chunav hua, safaya ho gaya ED party ka Punjab mein. Buri tarike se safaya ho gaya. Ab tak 59 nagar palikaon ke jo parinaam aaye hain, usmein se 41 Aam Aadmi Party ne jeeta hai aur zero ED party ne jeeta hai. Zero. ED party ka zero aaya. ED party ne saat sansad tode the. Are kam se kam 60 seat le aate. Saat chairman toh jeet jaate. Zero aaya poore Punjab mein aur yaad rakhiyega, yeh nagarpalika ka chunav tha, shahri chunav tha. Jahaan ED party wale log kehte hain hum sabse mazboot hain, hum sabse mazboot hain. Wahaan Punjab ki janta ne jhaadu lagakar inko saaf kar diya buri tarike se.